Exodus 31 — W88
31Verse 1And the Lord spak to Moyses, `and seide, Lo!Verse 2Y haue clepid Beseleel bi name, the sone of Hury, sone of Hur, of the lynage of Juda;Verse 3and Y haue fillid hym with the spirit of God, with wisdom, and vndirstondyng, and kunnyng in al werk,Verse 4to fynde out what euer thing may be maad suteli, of gold, and siluer, and bras, and marbil,Verse 5and gemmes, and dyuersite of trees.Verse 6And Y haue youe to hym a felowe, Ooliab, the sone of Achisameth, of the kynrede of Dan; and Y haue put in `the herte of hem the wisdom of ech lerned man, that thei make alle thingis, whiche Y comaundide to thee;Verse 7the tabernacle of boond of pees, and the arke of witnessyng, and the propiciatorie, ether table, which is theronne, and alle the vessels of the tabernacle;Verse 8also the bord, and vessels therof, the clenneste candilstike with hise vessels, and the auteris of encence,Verse 9and of brent sacrifice, and alle the vessels of hem; the greet `waischyng vessel with his foundement;Verse 10hooli clothis in seruyce to Aaron prest, and to hise sones, that thei be set in her office in hooli thingis;Verse 11the oile of anoyntyng, and encence of swete smellynge spiceryes in the seyntuarie; thei schulen make alle thingis whiche Y comaundide to thee.Verse 12And the Lord spak to Moises, `and seide, Speke thou to the sones of Israel,Verse 13and thou schalt seie to hem, Se ye that ye kepe my sabat, for it is a signe bytwixe me and you in youre generaciouns; that ye wite, that Y am the Lord, which halewe you.Verse 14Kepe ye my sabat, for it is hooli to you; he that defoulith it, schal die bi deeth, the soule of hym, that doith werk in the sabat, schal perische fro the myddis of his puple.Verse 15Sixe daies ye schulen do werk; in the seuenthe dai is sabat, hooli reste to the Lord; ech man that doith werk in this dai schal die.Verse 16The sones of Israel kepe sabat, and halewe it in her generaciouns;Verse 17it is a couenaunt euerlastinge bitwixe me and the sones of Israel, and it is `a signe euerlastynge; for in sixe daies God made heuene and erthe, and in the seuenthe day he ceessid of werk.Verse 18And whanne siche wordis+weren fillid, the Lord yaf to Moises, in the hil of Synay, twei stonun tablis of witnessyng, writun with the fyngur of God+