Acts 10 — TCG

Cornelius' Vision

10Verse 1Ἀνὴρ δέ τις⁺ἦν ἐν⁺Καισαρείᾳ ὀνόματι Κορνήλιος, ἑκατοντάρχης ἐκ⁺σπείρης τῆς καλουμένης Ἰταλικῆς,^{Verse 2}εὐσεβὴς καὶ φοβούμενος τὸν Θεὸν σὺν παντὶ τῷ οἴκῳ αὐτοῦ, ποιῶν⁺τε ἐλεημοσύνας πολλὰς τῷ λαῷ, καὶ δεόμενος τοῦ Θεοῦ διὰ παντός.^{Verse 3}Εἶδεν ἐν ὁράματι φανερῶς, ὡσεὶ⁺ὥραν⁺ἐνάτην τῆς ἡμέρας, ἄγγελον τοῦ Θεοῦ εἰσελθόντα πρὸς αὐτόν, καὶ εἰπόντα αὐτῷ, Κορνήλιε.^{Verse 4}Ὁ δὲ ἀτενίσας αὐτῷ καὶ ἔμφοβος γενόμενος εἶπε, Τί ἐστι, Κύριε; Εἶπε δὲ αὐτῷ, Αἱ προσευχαί σου καὶ αἱ ἐλεημοσύναι σου ἀνέβησαν εἰς μνημόσυνον⁺ἐνώπιον τοῦ Θεοῦ.^{Verse 5}Καὶ νῦν πέμψον⁺εἰς Ἰόππην ἄνδρας, καὶ μετάπεμψαι⁺Σίμωνα⁺τὸν ἐπικαλούμενον Πέτρον·^{Verse 6}οὗτος ξενίζεται παρά τινι Σίμωνι βυρσεῖ, ᾧ ἐστιν οἰκία παρὰ⁺θάλασσαν.^{Verse 7}Ὡς δὲ ἀπῆλθεν ὁ ἄγγελος ὁ λαλῶν⁺τῷ Κορνηλίῳ, φωνήσας δύο τῶν οἰκετῶν⁺αὐτοῦ, καὶ στρατιώτην εὐσεβῆ τῶν προσκαρτερούντων αὐτῷ,^{Verse 8}καὶ ἐξηγησάμενος⁺αὐτοῖς ἅπαντα, ἀπέστειλεν αὐτοὺς εἰς τὴν Ἰόππην.

Peter's Vision

^{Verse 9}Τῇ δὲ ἐπαύριον, ὁδοιπορούντων⁺ἐκείνων καὶ τῇ πόλει ἐγγιζόντων, ἀνέβη Πέτρος ἐπὶ τὸ δῶμα προσεύξασθαι, περὶ ὥραν ἕκτην·^{Verse 10}ἐγένετο δὲ πρόσπεινος, καὶ ἤθελε γεύσασθαι· παρασκευαζόντων δὲ⁺ἐκείνων,⁺ἐπέπεσεν ἐπ᾽ αὐτὸν ἔκστασις,^{Verse 11}καὶ θεωρεῖ τὸν οὐρανὸν ἀνεῳγμένον, καὶ καταβαῖνον⁺ἐπ᾽ αὐτὸν σκεῦός τι ὡς ὀθόνην μεγάλην, τέσσαρσιν ἀρχαῖς⁺δεδεμένον, καὶ καθιέμενον ἐπὶ τῆς γῆς·^{Verse 12}ἐν ᾧ ὑπῆρχε πάντα τὰ τετράποδα⁺τῆς γῆς καὶ τὰ θηρία καὶ τὰ ἑρπετὰ καὶ τὰ πετεινὰ τοῦ οὐρανοῦ.^{Verse 13}Καὶ ἐγένετο φωνὴ πρὸς αὐτόν,Ἀναστάς, Πέτρε, θῦσον καὶ φάγε.^{Verse 14}Ὁ δὲ Πέτρος εἶπε, Μηδαμῶς, Κύριε· ὅτι οὐδέποτε ἔφαγον πᾶν κοινὸν⁺ἢ ἀκάθαρτον.^{Verse 15}Καὶ φωνὴ πάλιν ἐκ δευτέρου πρὸς αὐτόν,Ἃ ὁ Θεὸς ἐκαθάρισε, σὺ μὴ κοίνου.^{Verse 16}Τοῦτο δὲ ἐγένετο ἐπὶ τρίς· καὶ⁺πάλιν⁺ἀνελήφθη τὸ σκεῦος εἰς τὸν οὐρανόν.^{Verse 17}Ὡς δὲ ἐν ἑαυτῷ διηπόρει ὁ Πέτρος τί ἂν εἴη τὸ ὅραμα ὃ εἶδε,⁺καὶ ἰδού, οἱ ἄνδρες οἱ ἀπεσταλμένοι⁺ἀπὸ τοῦ Κορνηλίου, διερωτήσαντες τὴν οἰκίαν⁺Σίμωνος, ἐπέστησαν ἐπὶ τὸν πυλῶνα,^{Verse 18}καὶ φωνήσαντες⁺ἐπυνθάνοντο εἰ Σίμων, ὁ ἐπικαλούμενος Πέτρος, ἐνθάδε ξενίζεται.^{Verse 19}Τοῦ δὲ Πέτρου⁺διενθυμουμένου περὶ τοῦ ὁράματος, εἶπεν⁺αὐτῷ τὸ πνεῦμα, Ἰδού,⁺ἄνδρες⁺ζητοῦσί σε.^{Verse 20+}Ἀλλὰ ἀναστὰς κατάβηθι, καὶ πορεύου σὺν αὐτοῖς, μηδὲν διακρινόμενος·⁺διότι ἐγὼ ἀπέσταλκα αὐτούς.^{Verse 21}Καταβὰς δὲ Πέτρος πρὸς τοὺς⁺ἄνδρας εἶπεν, Ἰδού, ἐγώ εἰμι ὃν ζητεῖτε· τίς ἡ αἰτία δι᾽ ἣν πάρεστε;^{Verse 22}Οἱ δὲ⁺εἶπον, Κορνήλιος ἑκατοντάρχης, ἀνὴρ δίκαιος καὶ φοβούμενος τὸν Θεόν, μαρτυρούμενός τε ὑπὸ ὅλου τοῦ ἔθνους τῶν Ἰουδαίων, ἐχρηματίσθη ὑπὸ ἀγγέλου⁺ἁγίου μεταπέμψασθαί σε εἰς τὸν οἶκον αὐτοῦ, καὶ ἀκοῦσαι ῥήματα παρὰ σοῦ.^{Verse 23}Εἰσκαλεσάμενος οὖν αὐτοὺς ἐξένισε. Τῇ δὲ ἐπαύριον⁺ὁ Πέτρος ἐξῆλθε σὺν αὐτοῖς, καί τινες τῶν ἀδελφῶν τῶν ἀπὸ⁺Ἰόππης⁺συνῆλθον αὐτῷ.^{Verse 24+}Καὶ τῇ ἐπαύριον⁺εἰσῆλθον εἰς τὴν⁺Καισάρειαν. Ὁ δὲ Κορνήλιος ἦν προσδοκῶν αὐτούς,⁺συγκαλεσάμενος τοὺς συγγενεῖς αὐτοῦ καὶ τοὺς ἀναγκαίους φίλους.^{Verse 25}Ὡς δὲ ἐγένετο⁺τοῦ εἰσελθεῖν τὸν Πέτρον, συναντήσας αὐτῷ ὁ Κορνήλιος, πεσὼν ἐπὶ τοὺς πόδας, προσεκύνησεν.^{Verse 26}Ὁ δὲ Πέτρος⁺αὐτὸν ἤγειρε λέγων, Ἀνάστηθι·⁺κἀγὼ αὐτὸς ἄνθρωπός εἰμι.^{Verse 27}Καὶ συνομιλῶν αὐτῷ εἰσῆλθε, καὶ εὑρίσκει συνεληλυθότας πολλούς,^{Verse 28}ἔφη τε πρὸς αὐτούς, Ὑμεῖς ἐπίστασθε ὡς ἀθέμιτόν ἐστιν ἀνδρὶ Ἰουδαίῳ κολλᾶσθαι ἢ προσέρχεσθαι ἀλλοφύλῳ·⁺καὶ ἐμοὶ⁺ὁ Θεὸς ἔδειξε μηδένα κοινὸν ἢ ἀκάθαρτον λέγειν ἄνθρωπον·^{Verse 29}διὸ καὶ⁺ἀναντιρρήτως ἦλθον μεταπεμφθείς. Πυνθάνομαι οὖν, τίνι λόγῳ μετεπέμψασθέ με.^{Verse 30}Καὶ ὁ Κορνήλιος ἔφη, Ἀπὸ τετάρτης ἡμέρας μέχρι ταύτης τῆς ὥρας ἤμην⁺νηστεύων, καὶ τὴν ἐνάτην ὥραν προσευχόμενος ἐν τῷ οἴκῳ μου· καὶ ἰδού, ἀνὴρ ἔστη ἐνώπιόν μου ἐν ἐσθῆτι λαμπρᾷ,^{Verse 31}καί φησι, Κορνήλιε, εἰσηκούσθη σου ἡ προσευχή, καὶ αἱ ἐλεημοσύναι σου ἐμνήσθησαν ἐνώπιον τοῦ Θεοῦ.^{Verse 32}Πέμψον οὖν εἰς Ἰόππην, καὶ μετακάλεσαι Σίμωνα ὃς ἐπικαλεῖται Πέτρος· οὗτος ξενίζεται ἐν οἰκίᾳ Σίμωνος βυρσέως παρὰ θάλασσαν·⁺ὃς παραγενόμενος λαλήσει σοι.^{Verse 33}Ἐξαυτῆς οὖν ἔπεμψα πρός σε· σύ τε καλῶς ἐποίησας παραγενόμενος. Νῦν οὖν πάντες ἡμεῖς ἐνώπιον τοῦ Θεοῦ πάρεσμεν ἀκοῦσαι πάντα τὰ προστεταγμένα σοι ὑπὸ τοῦ⁺Θεοῦ.

Peter Preaches to Cornelius' Household

^{Verse 34}Ἀνοίξας δὲ Πέτρος τὸ⁺στόμα εἶπεν, Ἐπ᾽ ἀληθείας καταλαμβάνομαι ὅτι οὐκ ἔστι⁺προσωπολήπτης ὁ Θεός·^{Verse 35}ἀλλ᾽ ἐν παντὶ ἔθνει ὁ φοβούμενος αὐτὸν καὶ ἐργαζόμενος δικαιοσύνην, δεκτὸς αὐτῷ ἐστι.^{Verse 36}Τὸν λόγον⁺ὃν ἀπέστειλε τοῖς υἱοῖς Ἰσραήλ, εὐαγγελιζόμενος εἰρήνην διὰ Ἰησοῦ Χριστοῦ—οὗτός ἐστι πάντων Κύριος—^{Verse 37}ὑμεῖς οἴδατε, τὸ γενόμενον ῥῆμα καθ᾽ ὅλης τῆς Ἰουδαίας,⁺ἀρξάμενον ἀπὸ τῆς Γαλιλαίας, μετὰ τὸ βάπτισμα ὃ ἐκήρυξεν⁺Ἰωάννης·^{Verse 38}Ἰησοῦν τὸν ἀπὸ⁺Ναζαρέτ, ὡς ἔχρισεν αὐτὸν ὁ Θεὸς Πνεύματι Ἁγίῳ καὶ δυνάμει, ὃς διῆλθεν εὐεργετῶν καὶ ἰώμενος πάντας τοὺς καταδυναστευομένους ὑπὸ τοῦ διαβόλου, ὅτι ὁ Θεὸς ἦν μετ᾽ αὐτοῦ.^{Verse 39}Καὶ ἡμεῖς⁺ἐσμεν μάρτυρες πάντων ὧν ἐποίησεν ἔν τε τῇ χώρᾳ τῶν Ἰουδαίων καὶ⁺ἐν Ἱερουσαλήμ· ὃν⁺καὶ⁺ἀνεῖλον κρεμάσαντες ἐπὶ ξύλου.^{Verse 40}Τοῦτον ὁ Θεὸς ἤγειρε⁺τῇ τρίτῃ ἡμέρᾳ, καὶ ἔδωκεν αὐτὸν ἐμφανῆ γενέσθαι,^{Verse 41}οὐ παντὶ τῷ λαῷ, ἀλλὰ μάρτυσι τοῖς προκεχειροτονημένοις ὑπὸ τοῦ Θεοῦ, ἡμῖν, οἵτινες συνεφάγομεν καὶ συνεπίομεν αὐτῷ μετὰ τὸ ἀναστῆναι αὐτὸν ἐκ νεκρῶν.^{Verse 42}Καὶ παρήγγειλεν ἡμῖν κηρύξαι τῷ λαῷ, καὶ διαμαρτύρασθαι ὅτι⁺αὐτός ἐστιν ὁ ὡρισμένος ὑπὸ τοῦ Θεοῦ κριτὴς ζώντων καὶ νεκρῶν.^{Verse 43}Τούτῳ πάντες οἱ προφῆται μαρτυροῦσιν, ἄφεσιν ἁμαρτιῶν λαβεῖν διὰ τοῦ ὀνόματος αὐτοῦ πάντα τὸν πιστεύοντα εἰς αὐτόν.

The Holy Spirit Falls upon the Gentiles

^{Verse 44}Ἔτι λαλοῦντος τοῦ Πέτρου τὰ ῥήματα ταῦτα, ἐπέπεσε τὸ Πνεῦμα τὸ Ἅγιον ἐπὶ πάντας τοὺς ἀκούοντας τὸν λόγον.^{Verse 45}Καὶ ἐξέστησαν οἱ ἐκ περιτομῆς πιστοί,⁺ὅσοι⁺συνῆλθον τῷ Πέτρῳ, ὅτι καὶ ἐπὶ τὰ ἔθνη ἡ δωρεὰ τοῦ⁺Ἁγίου Πνεύματος ἐκκέχυται.^{Verse 46}Ἤκουον γὰρ αὐτῶν λαλούντων γλώσσαις, καὶ μεγαλυνόντων τὸν Θεόν. Τότε ἀπεκρίθη⁺ὁ Πέτρος,^{Verse 47}Μήτι τὸ ὕδωρ⁺κωλῦσαι δύναταί τις, τοῦ μὴ βαπτισθῆναι τούτους, οἵτινες τὸ Πνεῦμα τὸ Ἅγιον ἔλαβον⁺καθὼς καὶ ἡμεῖς;^{Verse 48}Προσέταξέ⁺τε αὐτοὺς⁺βαπτισθῆναι ἐν τῷ ὀνόματι τοῦ Κυρίου. Τότε ἠρώτησαν αὐτὸν ἐπιμεῖναι ἡμέρας τινάς.