James 1 — TCG

Greeting

1Verse 1Ἰάκωβος, Θεοῦ καὶ Κυρίου Ἰησοῦ Χριστοῦ δοῦλος, ταῖς δώδεκα φυλαῖς ταῖς ἐν τῇ διασπορᾷ· χαίρειν.

The Testing of Your Faith Produces Endurance

^{Verse 2}Πᾶσαν χαρὰν ἡγήσασθε, ἀδελφοί μου, ὅταν πειρασμοῖς περιπέσητε ποικίλοις,^{Verse 3}γινώσκοντες ὅτι τὸ δοκίμιον ὑμῶν τῆς πίστεως κατεργάζεται ὑπομονήν·^{Verse 4}ἡ δὲ ὑπομονὴ ἔργον τέλειον ἐχέτω, ἵνα ἦτε τέλειοι καὶ ὁλόκληροι, ἐν μηδενὶ λειπόμενοι.^{Verse 5}Εἰ δέ τις ὑμῶν λείπεται σοφίας, αἰτείτω παρὰ τοῦ διδόντος Θεοῦ πᾶσιν ἁπλῶς καὶ⁺οὐκ ὀνειδίζοντος, καὶ δοθήσεται αὐτῷ.^{Verse 6}Αἰτείτω δὲ ἐν πίστει, μηδὲν διακρινόμενος, ὁ γὰρ διακρινόμενος ἔοικε κλύδωνι θαλάσσης ἀνεμιζομένῳ καὶ ῥιπιζομένῳ.^{Verse 7}Μὴ γὰρ οἰέσθω ὁ ἄνθρωπος ἐκεῖνος ὅτι⁺λήψεταί τι παρὰ τοῦ Κυρίου.^{Verse 8}Ἀνὴρ δίψυχος ἀκατάστατος ἐν πάσαις ταῖς ὁδοῖς αὐτοῦ.

The Lowly Brother and the Rich Man

^{Verse 9}Καυχάσθω δὲ ὁ ἀδελφὸς ὁ ταπεινὸς ἐν τῷ ὕψει αὐτοῦ,^{Verse 10}ὁ δὲ πλούσιος ἐν τῇ ταπεινώσει αὐτοῦ, ὅτι ὡς ἄνθος χόρτου παρελεύσεται.^{Verse 11}Ἀνέτειλε γὰρ ὁ ἥλιος σὺν τῷ καύσωνι καὶ ἐξήρανε τὸν χόρτον, καὶ τὸ ἄνθος αὐτοῦ ἐξέπεσε, καὶ ἡ εὐπρέπεια τοῦ προσώπου αὐτοῦ ἀπώλετο· οὕτω καὶ ὁ πλούσιος ἐν ταῖς πορείαις αὐτοῦ μαρανθήσεται.

Enduring Temptation

^{Verse 12}Μακάριος ἀνὴρ ὃς⁺ὑπομένει πειρασμόν, ὅτι δόκιμος γενόμενος⁺λήψεται τὸν στέφανον τῆς ζωῆς, ὃν ἐπηγγείλατο⁺ὁ Κύριος τοῖς ἀγαπῶσιν αὐτόν.^{Verse 13}Μηδεὶς πειραζόμενος λεγέτω ὅτι Ἀπὸ⁺Θεοῦ πειράζομαι· ὁ γὰρ Θεὸς ἀπείραστός ἐστι κακῶν, πειράζει δὲ αὐτὸς οὐδένα.^{Verse 14}Ἕκαστος δὲ πειράζεται ὑπὸ τῆς ἰδίας ἐπιθυμίας ἐξελκόμενος καὶ δελεαζόμενος.^{Verse 15}Εἶτα ἡ ἐπιθυμία συλλαβοῦσα τίκτει ἁμαρτίαν, ἡ δὲ ἁμαρτία ἀποτελεσθεῖσα ἀποκύει θάνατον.^{Verse 16}Μὴ πλανᾶσθε, ἀδελφοί μου ἀγαπητοί.^{Verse 17}Πᾶσα δόσις ἀγαθὴ καὶ πᾶν δώρημα τέλειον ἄνωθέν ἐστι, καταβαῖνον ἀπὸ τοῦ πατρὸς τῶν φώτων, παρ᾽ ᾧ οὐκ ἔνι παραλλαγὴ ἢ τροπῆς ἀποσκίασμα.^{Verse 18}Βουληθεὶς ἀπεκύησεν ἡμᾶς λόγῳ ἀληθείας, εἰς τὸ εἶναι ἡμᾶς ἀπαρχήν τινα τῶν αὐτοῦ κτισμάτων.

Hearing and Abiding by the Word

^{Verse 19+}Ὥστε, ἀδελφοί μου ἀγαπητοί, ἔστω πᾶς ἄνθρωπος ταχὺς εἰς τὸ ἀκοῦσαι, βραδὺς εἰς τὸ λαλῆσαι, βραδὺς εἰς ὀργήν·^{Verse 20}ὀργὴ γὰρ ἀνδρὸς δικαιοσύνην Θεοῦ⁺οὐ κατεργάζεται.^{Verse 21}Διὸ ἀποθέμενοι πᾶσαν ῥυπαρίαν καὶ περισσείαν κακίας, ἐν πρᾳΰτητι δέξασθε τὸν ἔμφυτον λόγον τὸν δυνάμενον σῶσαι τὰς ψυχὰς⁺ὑμῶν.^{Verse 22}Γίνεσθε δὲ ποιηταὶ λόγου καὶ μὴ⁺μόνον ἀκροαταί, παραλογιζόμενοι ἑαυτούς.^{Verse 23}Ὅτι εἴ τις ἀκροατὴς⁺λόγου ἐστὶ καὶ οὐ ποιητής, οὗτος ἔοικεν ἀνδρὶ κατανοοῦντι τὸ πρόσωπον τῆς γενέσεως αὐτοῦ ἐν ἐσόπτρῳ·^{Verse 24}κατενόησε γὰρ ἑαυτὸν καὶ ἀπελήλυθε, καὶ εὐθέως ἐπελάθετο ὁποῖος ἦν.^{Verse 25}Ὁ δὲ παρακύψας εἰς νόμον τέλειον τὸν τῆς ἐλευθερίας καὶ παραμείνας,⁺οὗτος οὐκ ἀκροατὴς ἐπιλησμονῆς γενόμενος ἀλλὰ ποιητὴς ἔργου· οὗτος μακάριος ἐν τῇ ποιήσει αὐτοῦ ἔσται.^{Verse 26}Εἴ τις δοκεῖ⁺θρῆσκος⁺εἶναι ἐν ὑμῖν, μὴ χαλιναγωγῶν γλῶσσαν⁺αὐτοῦ⁺ἀλλὰ ἀπατῶν καρδίαν⁺αὐτοῦ, τούτου μάταιος ἡ θρησκεία.^{Verse 27}Θρησκεία καθαρὰ καὶ ἀμίαντος παρὰ⁺Θεῷ καὶ πατρὶ αὕτη ἐστίν, ἐπισκέπτεσθαι ὀρφανοὺς καὶ χήρας ἐν τῇ θλίψει αὐτῶν, ἄσπιλον ἑαυτὸν τηρεῖν ἀπὸ τοῦ κόσμου.