Mark 2 — TCG

Jesus Heals a Paralytic

2Verse 1Καὶ⁺εἰσῆλθε πάλιν εἰς⁺Καπερναοὺμ δι᾽ ἡμερῶν·⁺καὶ ἠκούσθη ὅτι⁺εἰς οἶκόν ἐστι.^{Verse 2}Καὶ⁺εὐθέως συνήχθησαν πολλοί, ὥστε μηκέτι χωρεῖν μηδὲ τὰ πρὸς τὴν θύραν· καὶ ἐλάλει αὐτοῖς τὸν λόγον.^{Verse 3}Καὶ ἔρχονται⁺πρὸς αὐτόν, παραλυτικὸν φέροντες, αἰρόμενον ὑπὸ τεσσάρων.^{Verse 4}Καὶ μὴ δυνάμενοι⁺προσεγγίσαι αὐτῷ διὰ τὸν ὄχλον, ἀπεστέγασαν τὴν στέγην ὅπου ἦν, καὶ ἐξορύξαντες χαλῶσι τὸν⁺κράββατον⁺ἐφ᾽ ᾧ ὁ παραλυτικὸς κατέκειτο.^{Verse 5+}Ἰδὼν δὲ ὁ Ἰησοῦς τὴν πίστιν αὐτῶν λέγει τῷ παραλυτικῷ,Τέκνον,⁺ἀφέωνταί⁺σοι αἱ ἁμαρτίαι σου.^{Verse 6}Ἦσαν δέ τινες τῶν γραμματέων ἐκεῖ καθήμενοι, καὶ διαλογιζόμενοι ἐν ταῖς καρδίαις αὐτῶν,^{Verse 7}Τί οὗτος οὕτω λαλεῖ⁺βλασφημίας; Τίς δύναται ἀφιέναι ἁμαρτίας εἰ μὴ εἷς, ὁ Θεός;^{Verse 8}Καὶ⁺εὐθέως ἐπιγνοὺς ὁ Ἰησοῦς τῷ πνεύματι αὐτοῦ ὅτι οὕτως⁺αὐτοὶ διαλογίζονται ἐν ἑαυτοῖς,⁺εἶπεν αὐτοῖς,Τί ταῦτα διαλογίζεσθε ἐν ταῖς καρδίαις ὑμῶν;^{Verse 9}Τί ἐστιν εὐκοπώτερον, εἰπεῖν τῷ παραλυτικῷ,⁺Ἀφέωνταί⁺σου αἱ ἁμαρτίαι, ἢ εἰπεῖν,⁺Ἔγειραι, καὶ ἆρόν⁺σου τὸν κράββατον, καὶ περιπάτει;^{Verse 10}Ἵνα δὲ εἰδῆτε ὅτι ἐξουσίαν ἔχει ὁ υἱὸς τοῦ ἀνθρώπου⁺ἀφιέναι ἐπὶ τῆς γῆς ἁμαρτίας—λέγει τῷ παραλυτικῷ—^{Verse 11}Σοὶ λέγω,⁺ἔγειραι⁺καὶ ἆρον τὸν⁺κράββατόν σου, καὶ ὕπαγε εἰς τὸν οἶκόν σου.^{Verse 12}Καὶ ἠγέρθη⁺εὐθέως, καὶ ἄρας τὸν⁺κράββατον, ἐξῆλθεν⁺ἐναντίον πάντων· ὥστε ἐξίστασθαι πάντας, καὶ δοξάζειν τὸν Θεόν, λέγοντας ὅτι⁺Οὐδέποτε οὕτως⁺εἴδομεν.

Jesus Calls Levi

^{Verse 13}Καὶ ἐξῆλθε πάλιν παρὰ τὴν θάλασσαν· καὶ πᾶς ὁ ὄχλος ἤρχετο πρὸς αὐτόν, καὶ ἐδίδασκεν αὐτούς.^{Verse 14}Καὶ παράγων εἶδε⁺Λευῒ τὸν τοῦ Ἀλφαίου καθήμενον ἐπὶ τὸ τελώνιον, καὶ λέγει αὐτῷ,Ἀκολούθει μοι.Καὶ ἀναστὰς ἠκολούθησεν αὐτῷ.^{Verse 15}Καὶ⁺ἐγένετο ἐν τῷ κατακεῖσθαι αὐτὸν ἐν τῇ οἰκίᾳ αὐτοῦ, καὶ πολλοὶ τελῶναι καὶ ἁμαρτωλοὶ συνανέκειντο τῷ Ἰησοῦ καὶ τοῖς μαθηταῖς αὐτοῦ· ἦσαν γὰρ πολλοί, καὶ⁺ἠκολούθησαν αὐτῷ.^{Verse 16}Καὶ οἱ γραμματεῖς⁺καὶ οἱ Φαρισαῖοι, ἰδόντες⁺αὐτὸν ἐσθίοντα μετὰ τῶν⁺τελωνῶν καὶ ἁμαρτωλῶν, ἔλεγον τοῖς μαθηταῖς αὐτοῦ,⁺Τί ὅτι μετὰ τῶν τελωνῶν καὶ ἁμαρτωλῶν ἐσθίει⁺καὶ πίνει;^{Verse 17}Καὶ ἀκούσας ὁ Ἰησοῦς λέγει⁺αὐτοῖς,Οὐ χρείαν ἔχουσιν οἱ ἰσχύοντες ἰατροῦ, ἀλλ᾽ οἱ κακῶς ἔχοντες. Οὐκ ἦλθον καλέσαι δικαίους,⁺ἀλλὰ ἁμαρτωλοὺς⁺εἰς μετάνοιαν.

A Question About Fasting

^{Verse 18}Καὶ ἦσαν οἱ μαθηταὶ⁺Ἰωάννου καὶ οἱ⁺τῶν Φαρισαίων νηστεύοντες· καὶ ἔρχονται καὶ λέγουσιν αὐτῷ, Διὰ τί οἱ μαθηταὶ⁺Ἰωάννου καὶ⁺οἱ τῶν Φαρισαίων νηστεύουσιν, οἱ δὲ σοὶ μαθηταὶ οὐ νηστεύουσι;^{Verse 19}Καὶ εἶπεν αὐτοῖς ὁ Ἰησοῦς,Μὴ δύνανται οἱ υἱοὶ τοῦ νυμφῶνος, ἐν ᾧ ὁ νυμφίος μετ᾽ αὐτῶν ἐστι, νηστεύειν; Ὅσον χρόνον⁺μεθ᾽ ἑαυτῶν ἔχουσι τὸν νυμφίον, οὐ δύνανται νηστεύειν·^{Verse 20}ἐλεύσονται δὲ ἡμέραι ὅταν ἀπαρθῇ ἀπ᾽ αὐτῶν ὁ νυμφίος, καὶ τότε νηστεύσουσιν ἐν⁺ἐκείναις ταῖς ἡμέραις.^{Verse 21+}Καὶ οὐδεὶς ἐπίβλημα ῥάκους ἀγνάφου⁺ἐπιρράπτει ἐπὶ⁺ἱματίῳ παλαιῷ· εἰ δὲ⁺μή, αἴρει τὸ πλήρωμα⁺αὐτοῦ τὸ καινὸν τοῦ παλαιοῦ, καὶ χεῖρον σχίσμα⁺γίνεται.^{Verse 22}Καὶ οὐδεὶς βάλλει οἶνον νέον εἰς ἀσκοὺς παλαιούς· εἰ δὲ μή,⁺ῥήσσει ὁ οἶνος⁺ὁ νέος τοὺς ἀσκούς, καὶ ὁ οἶνος⁺ἐκχεῖται καὶ οἱ ἀσκοὶ ἀπολοῦνται·⁺ἀλλὰ οἶνον νέον εἰς ἀσκοὺς καινοὺς⁺βλητέον.

Jesus Is Lord of the Sabbath

^{Verse 23}Καὶ ἐγένετο⁺παραπορεύεσθαι αὐτὸν ἐν τοῖς σάββασι διὰ τῶν σπορίμων, καὶ⁺ἤρξαντο οἱ μαθηταὶ αὐτοῦ ὁδὸν ποιεῖν τίλλοντες τοὺς στάχυας.^{Verse 24}Καὶ οἱ Φαρισαῖοι ἔλεγον αὐτῷ, Ἴδε, τί ποιοῦσιν⁺ἐν τοῖς σάββασιν ὃ οὐκ ἔξεστι;^{Verse 25}Καὶ⁺αὐτὸς ἔλεγεν αὐτοῖς,Οὐδέποτε ἀνέγνωτε τί ἐποίησε⁺Δαυίδ, ὅτε χρείαν ἔσχε καὶ ἐπείνασεν αὐτὸς καὶ οἱ μετ᾽ αὐτοῦ;^{Verse 26}Πῶς εἰσῆλθεν εἰς τὸν οἶκον τοῦ Θεοῦ ἐπὶ Ἀβιάθαρ⁺ἀρχιερέως, καὶ τοὺς ἄρτους τῆς προθέσεως ἔφαγεν, οὓς οὐκ ἔξεστι φαγεῖν εἰ μὴ⁺τοῖς ἱερεῦσι, καὶ ἔδωκε καὶ τοῖς σὺν αὐτῷ οὖσι;^{Verse 27}Καὶ ἔλεγεν αὐτοῖς,Τὸ σάββατον διὰ τὸν ἄνθρωπον ἐγένετο,⁺οὐχ ὁ ἄνθρωπος διὰ τὸ σάββατον·^{Verse 28}ὥστε Κύριός ἐστιν ὁ υἱὸς τοῦ ἀνθρώπου καὶ τοῦ σαββάτου.