Matthew 12 — TCG

Jesus Is Lord of the Sabbath

12Verse 1Ἐν ἐκείνῳ τῷ καιρῷ ἐπορεύθη ὁ Ἰησοῦς τοῖς σάββασι διὰ τῶν σπορίμων· οἱ δὲ μαθηταὶ αὐτοῦ ἐπείνασαν, καὶ ἤρξαντο τίλλειν στάχυας καὶ ἐσθίειν.^{Verse 2}Οἱ δὲ Φαρισαῖοι ἰδόντες⁺εἶπον αὐτῷ, Ἰδού, οἱ μαθηταί σου ποιοῦσιν ὃ οὐκ ἔξεστι ποιεῖν ἐν σαββάτῳ.^{Verse 3}Ὁ δὲ εἶπεν αὐτοῖς,Οὐκ ἀνέγνωτε τί ἐποίησε⁺Δαυίδ, ὅτε ἐπείνασεν⁺αὐτὸς καὶ οἱ μετ᾽ αὐτοῦ·^{Verse 4}πῶς εἰσῆλθεν εἰς τὸν οἶκον τοῦ Θεοῦ, καὶ τοὺς ἄρτους τῆς προθέσεως⁺ἔφαγεν,⁺οὓς οὐκ ἐξὸν ἦν αὐτῷ φαγεῖν, οὐδὲ τοῖς μετ᾽ αὐτοῦ, εἰ μὴ⁺τοῖς ἱερεῦσι μόνοις;^{Verse 5}Ἢ οὐκ ἀνέγνωτε ἐν τῷ νόμῳ, ὅτι τοῖς σάββασιν οἱ ἱερεῖς ἐν τῷ ἱερῷ τὸ σάββατον βεβηλοῦσι, καὶ ἀναίτιοί εἰσι;^{Verse 6}Λέγω δὲ ὑμῖν ὅτι τοῦ ἱεροῦ⁺μεῖζόν ἐστιν ὧδε.^{Verse 7}Εἰ δὲ ἐγνώκειτε τί ἐστιν,⁺Ἔλεον θέλω καὶ οὐ θυσίαν, οὐκ ἂν κατεδικάσατε τοὺς ἀναιτίους.^{Verse 8}Κύριος γάρ ἐστι⁺τοῦ σαββάτου ὁ υἱὸς τοῦ ἀνθρώπου.

Jesus Heals a Man with a Withered Hand

^{Verse 9}Καὶ μεταβὰς ἐκεῖθεν ἦλθεν εἰς τὴν συναγωγὴν αὐτῶν.^{Verse 10}Καὶ ἰδού, ἄνθρωπος⁺ἦν⁺τὴν χεῖρα ἔχων ξηράν· καὶ ἐπηρώτησαν αὐτόν, λέγοντες, Εἰ ἔξεστι τοῖς σάββασι⁺θεραπεύειν; ἵνα κατηγορήσωσιν αὐτοῦ.^{Verse 11}Ὁ δὲ εἶπεν αὐτοῖς,Τίς ἔσται ἐξ ὑμῶν ἄνθρωπος, ὃς ἕξει πρόβατον ἕν, καὶ ἐὰν ἐμπέσῃ τοῦτο τοῖς σάββασιν εἰς βόθυνον, οὐχὶ κρατήσει αὐτὸ καὶ ἐγερεῖ;^{Verse 12}Πόσῳ οὖν διαφέρει ἄνθρωπος προβάτου. Ὥστε ἔξεστι τοῖς σάββασι καλῶς ποιεῖν.^{Verse 13}Τότε λέγει τῷ ἀνθρώπῳ,Ἔκτεινον⁺τὴν χεῖρά σου.Καὶ ἐξέτεινε, καὶ⁺ἀποκατεστάθη ὑγιὴς ὡς ἡ ἄλλη.^{Verse 14+}Οἱ δὲ Φαρισαῖοι συμβούλιον ἔλαβον κατ᾽ αὐτοῦ ἐξελθόντες, ὅπως αὐτὸν ἀπολέσωσιν.

God's Chosen Servant

^{Verse 15}Ὁ δὲ Ἰησοῦς γνοὺς ἀνεχώρησεν ἐκεῖθεν· καὶ ἠκολούθησαν αὐτῷ⁺ὄχλοι πολλοί, καὶ ἐθεράπευσεν αὐτοὺς⁺πάντας,^{Verse 16}καὶ ἐπετίμησεν αὐτοῖς, ἵνα μὴ φανερὸν⁺αὐτὸν ποιήσωσιν·^{Verse 17+}ὅπως πληρωθῇ τὸ ῥηθὲν διὰ Ἠσαΐου τοῦ προφήτου, λέγοντος,^{Verse 18}Ἰδού, ὁ παῖς μου ὃν ᾑρέτισα·
ὁ ἀγαπητός μου⁺εἰς ὃν εὐδόκησεν ἡ ψυχή μου·
θήσω τὸ πνεῦμά μου ἐπ᾽ αὐτόν,
καὶ κρίσιν τοῖς ἔθνεσιν ἀπαγγελεῖ.
^{Verse 19}Οὐκ ἐρίσει, οὐδὲ κραυγάσει·
οὐδὲ ἀκούσει τις ἐν ταῖς πλατείαις τὴν φωνὴν αὐτοῦ.
^{Verse 20}Κάλαμον συντετριμμένον οὐ κατεάξει,
καὶ λίνον τυφόμενον οὐ σβέσει·
ἕως ἂν ἐκβάλῃ εἰς νῖκος τὴν κρίσιν.
^{Verse 21}Καὶ⁺τῷ ὀνόματι αὐτοῦ ἔθνη ἐλπιοῦσι.

Jesus and Beelzebul

^{Verse 22}Τότε⁺προσηνέχθη αὐτῷ δαιμονιζόμενος, τυφλὸς καὶ κωφός· καὶ ἐθεράπευσεν αὐτόν, ὥστε τὸν⁺τυφλὸν καὶ κωφὸν⁺καὶ λαλεῖν καὶ βλέπειν.^{Verse 23}Καὶ ἐξίσταντο πάντες οἱ ὄχλοι καὶ ἔλεγον, Μήτι οὗτός ἐστιν ὁ⁺υἱὸς⁺Δαυίδ;^{Verse 24}Οἱ δὲ Φαρισαῖοι ἀκούσαντες εἶπον, Οὗτος οὐκ ἐκβάλλει τὰ δαιμόνια, εἰ μὴ ἐν⁺τῷ⁺Βεελζεβοὺλ ἄρχοντι τῶν δαιμονίων.^{Verse 25}Εἰδὼς δὲ⁺ὁ Ἰησοῦς τὰς ἐνθυμήσεις αὐτῶν εἶπεν αὐτοῖς,Πᾶσα βασιλεία μερισθεῖσα καθ᾽⁺ἑαυτῆς ἐρημοῦται· καὶ πᾶσα πόλις ἢ οἰκία μερισθεῖσα καθ᾽⁺ἑαυτῆς οὐ σταθήσεται.^{Verse 26}Καὶ εἰ ὁ Σατανᾶς τὸν Σατανᾶν ἐκβάλλει, ἐφ᾽ ἑαυτὸν ἐμερίσθη· πῶς οὖν σταθήσεται ἡ βασιλεία αὐτοῦ;^{Verse 27}Καὶ εἰ ἐγὼ ἐν⁺Βεελζεβοὺλ ἐκβάλλω τὰ δαιμόνια, οἱ υἱοὶ ὑμῶν ἐν τίνι⁺ἐκβάλλουσι; Διὰ τοῦτο αὐτοὶ⁺ὑμῶν ἔσονται κριταί.^{Verse 28}Εἰ δὲ⁺ἐν Πνεύματι Θεοῦ ἐγὼ ἐκβάλλω τὰ δαιμόνια, ἄρα ἔφθασεν ἐφ᾽ ὑμᾶς ἡ βασιλεία τοῦ Θεοῦ.^{Verse 29}Ἢ πῶς δύναταί τις εἰσελθεῖν εἰς τὴν οἰκίαν τοῦ ἰσχυροῦ καὶ τὰ σκεύη αὐτοῦ⁺διαρπάσαι, ἐὰν μὴ πρῶτον δήσῃ τὸν ἰσχυρόν; Καὶ τότε τὴν οἰκίαν αὐτοῦ⁺διαρπάσει.^{Verse 30}Ὁ μὴ ὢν μετ᾽ ἐμοῦ κατ᾽ ἐμοῦ ἐστι· καὶ ὁ μὴ συνάγων μετ᾽ ἐμοῦ σκορπίζει.^{Verse 31}Διὰ τοῦτο λέγω ὑμῖν, Πᾶσα ἁμαρτία καὶ βλασφημία ἀφεθήσεται τοῖς ἀνθρώποις· ἡ δὲ τοῦ πνεύματος βλασφημία οὐκ ἀφεθήσεται⁺τοῖς ἀνθρώποις.^{Verse 32}Καὶ ὃς⁺ἐὰν εἴπῃ λόγον κατὰ τοῦ υἱοῦ τοῦ ἀνθρώπου, ἀφεθήσεται αὐτῷ· ὃς δ᾽ ἂν εἴπῃ κατὰ τοῦ Πνεύματος τοῦ Ἁγίου, οὐκ ἀφεθήσεται αὐτῷ, οὔτε ἐν⁺τῷ νῦν αἰῶνι οὔτε ἐν τῷ μέλλοντι.

A Tree Is Known by Its Fruit

^{Verse 33}Ἢ ποιήσατε τὸ δένδρον καλόν, καὶ τὸν καρπὸν αὐτοῦ καλόν, ἢ ποιήσατε τὸ δένδρον σαπρόν, καὶ τὸν καρπὸν αὐτοῦ σαπρόν· ἐκ γὰρ τοῦ καρποῦ τὸ δένδρον γινώσκεται.^{Verse 34}Γεννήματα ἐχιδνῶν, πῶς δύνασθε ἀγαθὰ λαλεῖν, πονηροὶ ὄντες; Ἐκ γὰρ τοῦ περισσεύματος τῆς καρδίας τὸ στόμα λαλεῖ.^{Verse 35}Ὁ ἀγαθὸς ἄνθρωπος ἐκ τοῦ ἀγαθοῦ⁺θησαυροῦ ἐκβάλλει⁺ἀγαθά· καὶ ὁ πονηρὸς ἄνθρωπος ἐκ τοῦ πονηροῦ θησαυροῦ ἐκβάλλει πονηρά.^{Verse 36}Λέγω δὲ ὑμῖν ὅτι πᾶν ῥῆμα ἀργόν, ὃ⁺ἐὰν λαλήσωσιν οἱ ἄνθρωποι, ἀποδώσουσι περὶ αὐτοῦ λόγον ἐν ἡμέρᾳ κρίσεως.^{Verse 37}Ἐκ γὰρ τῶν λόγων σου δικαιωθήσῃ, καὶ ἐκ τῶν λόγων σου καταδικασθήσῃ.

The Sign of Jonah

^{Verse 38}Τότε⁺ἀπεκρίθησάν τινες τῶν γραμματέων καὶ Φαρισαίων, λέγοντες, Διδάσκαλε, θέλομεν ἀπὸ σοῦ σημεῖον ἰδεῖν.^{Verse 39}Ὁ δὲ ἀποκριθεὶς εἶπεν αὐτοῖς,Γενεὰ πονηρὰ καὶ μοιχαλὶς σημεῖον ἐπιζητεῖ· καὶ σημεῖον οὐ δοθήσεται αὐτῇ, εἰ μὴ τὸ σημεῖον Ἰωνᾶ τοῦ προφήτου.^{Verse 40}Ὥσπερ γὰρ⁺ἦν⁺Ἰωνᾶς ἐν τῇ κοιλίᾳ τοῦ κήτους τρεῖς ἡμέρας καὶ τρεῖς νύκτας, οὕτως ἔσται⁺ὁ υἱὸς τοῦ ἀνθρώπου ἐν τῇ καρδίᾳ τῆς γῆς τρεῖς ἡμέρας καὶ τρεῖς νύκτας.^{Verse 41}Ἄνδρες⁺Νινευῖται ἀναστήσονται ἐν τῇ κρίσει μετὰ τῆς γενεᾶς ταύτης καὶ κατακρινοῦσιν αὐτήν· ὅτι μετενόησαν εἰς τὸ κήρυγμα Ἰωνᾶ· καὶ ἰδού, πλεῖον Ἰωνᾶ ὧδε.^{Verse 42}Βασίλισσα νότου ἐγερθήσεται ἐν τῇ κρίσει μετὰ τῆς γενεᾶς ταύτης καὶ κατακρινεῖ αὐτήν· ὅτι ἦλθεν ἐκ τῶν περάτων τῆς γῆς ἀκοῦσαι τὴν σοφίαν⁺Σολομῶνος· καὶ ἰδού, πλεῖον⁺Σολομῶνος ὧδε.

An Unclean Spirit Returns

^{Verse 43}Ὅταν δὲ τὸ ἀκάθαρτον πνεῦμα ἐξέλθῃ ἀπὸ τοῦ ἀνθρώπου, διέρχεται δι᾽ ἀνύδρων τόπων, ζητοῦν ἀνάπαυσιν, καὶ οὐχ εὑρίσκει.^{Verse 44}Τότε λέγει,⁺Ἐπιστρέψω εἰς τὸν οἶκόν μου ὅθεν ἐξῆλθον. Καὶ ἐλθὸν εὑρίσκει⁺σχολάζοντα, σεσαρωμένον καὶ κεκοσμημένον.^{Verse 45}Τότε πορεύεται καὶ παραλαμβάνει μεθ᾽ ἑαυτοῦ ἑπτὰ ἕτερα πνεύματα πονηρότερα ἑαυτοῦ, καὶ εἰσελθόντα κατοικεῖ ἐκεῖ· καὶ γίνεται τὰ ἔσχατα τοῦ ἀνθρώπου ἐκείνου χείρονα τῶν πρώτων. Οὕτως ἔσται καὶ τῇ γενεᾷ⁺ταύτῃ τῇ πονηρᾷ.

Jesus' Mother and Brothers

^{Verse 46}Ἔτι⁺δὲ αὐτοῦ λαλοῦντος τοῖς ὄχλοις, ἰδού, ἡ μήτηρ καὶ οἱ ἀδελφοὶ αὐτοῦ⁺εἱστήκεισαν ἔξω, ζητοῦντες⁺αὐτῷ λαλῆσαι.^{Verse 47+}Εἶπε δέ τις αὐτῷ, Ἰδού, ἡ μήτηρ σου καὶ οἱ ἀδελφοί σου ἔξω ἑστήκασι, ζητοῦντές σοι λαλῆσαι.^{Verse 48}Ὁ δὲ ἀποκριθεὶς εἶπε τῷ⁺εἰπόντι αὐτῷ,Τίς ἐστιν ἡ μήτηρ μου; Καὶ τίνες εἰσὶν οἱ ἀδελφοί μου;^{Verse 49}Καὶ ἐκτείνας τὴν χεῖρα αὐτοῦ ἐπὶ τοὺς μαθητὰς αὐτοῦ⁺εἶπεν,Ἰδού, ἡ μήτηρ μου καὶ οἱ ἀδελφοί μου.^{Verse 50}Ὅστις γὰρ ἂν ποιήσῃ τὸ θέλημα τοῦ πατρός μου τοῦ ἐν οὐρανοῖς, αὐτός μου ἀδελφὸς καὶ ἀδελφὴ καὶ μήτηρ ἐστίν.