Matthew 26 — TCG

The Plot to Kill Jesus

26Verse 1Καὶ ἐγένετο ὅτε ἐτέλεσεν ὁ Ἰησοῦς⁺πάντας τοὺς λόγους τούτους, εἶπε τοῖς μαθηταῖς αὐτοῦ,^{Verse 2}Οἴδατε ὅτι μετὰ δύο ἡμέρας τὸ Πάσχα γίνεται, καὶ ὁ υἱὸς τοῦ ἀνθρώπου παραδίδοται εἰς τὸ σταυρωθῆναι.^{Verse 3}Τότε συνήχθησαν οἱ ἀρχιερεῖς⁺καὶ οἱ γραμματεῖς καὶ οἱ πρεσβύτεροι τοῦ λαοῦ εἰς τὴν αὐλὴν τοῦ ἀρχιερέως τοῦ λεγομένου Καϊάφα,^{Verse 4}καὶ συνεβουλεύσαντο ἵνα τὸν Ἰησοῦν⁺δόλῳ κρατήσωσι καὶ ἀποκτείνωσιν.^{Verse 5}Ἔλεγον δέ, Μὴ ἐν τῇ ἑορτῇ, ἵνα μὴ θόρυβος γένηται ἐν τῷ λαῷ.

Jesus Anointed at Bethany

^{Verse 6}Τοῦ δὲ Ἰησοῦ γενομένου ἐν Βηθανίᾳ ἐν οἰκίᾳ Σίμωνος τοῦ λεπροῦ,^{Verse 7}προσῆλθεν αὐτῷ γυνὴ⁺ἀλάβαστρον μύρου ἔχουσα βαρυτίμου, καὶ κατέχεεν ἐπὶ⁺τὴν κεφαλὴν αὐτοῦ ἀνακειμένου.^{Verse 8}Ἰδόντες δὲ οἱ μαθηταὶ⁺αὐτοῦ ἠγανάκτησαν, λέγοντες, Εἰς τί ἡ ἀπώλεια αὕτη;^{Verse 9+}Ἠδύνατο γὰρ τοῦτο⁺τὸ μύρον πραθῆναι πολλοῦ, καὶ δοθῆναι⁺πτωχοῖς.^{Verse 10}Γνοὺς δὲ ὁ Ἰησοῦς εἶπεν αὐτοῖς,Τί κόπους παρέχετε τῇ γυναικί; Ἔργον γὰρ καλὸν⁺εἰργάσατο εἰς ἐμέ.^{Verse 11+}Πάντοτε γὰρ τοὺς πτωχοὺς ἔχετε μεθ᾽ ἑαυτῶν, ἐμὲ δὲ οὐ πάντοτε ἔχετε.^{Verse 12}Βαλοῦσα γὰρ αὕτη τὸ μύρον τοῦτο ἐπὶ τοῦ σώματός μου, πρὸς τὸ ἐνταφιάσαι με ἐποίησεν.^{Verse 13}Ἀμὴν λέγω ὑμῖν, ὅπου ἐὰν κηρυχθῇ τὸ εὐαγγέλιον τοῦτο ἐν ὅλῳ τῷ κόσμῳ, λαληθήσεται καὶ ὃ ἐποίησεν αὕτη εἰς μνημόσυνον αὐτῆς.

Judas Agrees to Betray Jesus

^{Verse 14}Τότε πορευθεὶς εἷς τῶν δώδεκα, ὁ λεγόμενος Ἰούδας Ἰσκαριώτης, πρὸς τοὺς ἀρχιερεῖς,^{Verse 15}εἶπε, Τί θέλετέ μοι δοῦναι,⁺κἀγὼ ὑμῖν παραδώσω αὐτόν; Οἱ δὲ ἔστησαν αὐτῷ τριάκοντα ἀργύρια,^{Verse 16}καὶ ἀπὸ τότε ἐζήτει εὐκαιρίαν ἵνα αὐτὸν παραδῷ.

The Passover with the Disciples

^{Verse 17}Τῇ δὲ πρώτῃ τῶν ἀζύμων προσῆλθον οἱ μαθηταὶ τῷ Ἰησοῦ, λέγοντες⁺αὐτῷ, Ποῦ θέλεις⁺ἑτοιμάσομέν σοι φαγεῖν τὸ Πάσχα;^{Verse 18}Ὁ δὲ εἶπεν,Ὑπάγετε εἰς τὴν πόλιν πρὸς τὸν δεῖνα, καὶ εἴπατε αὐτῷ, Ὁ διδάσκαλος λέγει, Ὁ καιρός μου ἐγγύς ἐστι· πρὸς σε ποιῶ τὸ Πάσχα μετὰ τῶν μαθητῶν μου.^{Verse 19}Καὶ ἐποίησαν οἱ μαθηταὶ ὡς συνέταξεν αὐτοῖς ὁ Ἰησοῦς, καὶ ἡτοίμασαν τὸ Πάσχα.^{Verse 20}Ὀψίας δὲ γενομένης ἀνέκειτο μετὰ τῶν⁺δώδεκα.^{Verse 21}Καὶ ἐσθιόντων αὐτῶν εἶπεν,Ἀμὴν λέγω ὑμῖν ὅτι εἷς ἐξ ὑμῶν παραδώσει με.^{Verse 22}Καὶ λυπούμενοι σφόδρα ἤρξαντο λέγειν αὐτῷ⁺ἕκαστος αὐτῶν, Μήτι ἐγώ εἰμι, Κύριε;^{Verse 23}Ὁ δὲ ἀποκριθεὶς εἶπεν,Ὁ ἐμβάψας μετ᾽ ἐμοῦ⁺ἐν τῷ τρυβλίῳ τὴν χεῖρα, οὗτός με παραδώσει.^{Verse 24}Ὁ μὲν υἱὸς τοῦ ἀνθρώπου ὑπάγει, καθὼς γέγραπται περὶ αὐτοῦ· οὐαὶ δὲ τῷ ἀνθρώπῳ ἐκείνῳ δι᾽ οὗ ὁ υἱὸς τοῦ ἀνθρώπου παραδίδοται· καλὸν ἦν αὐτῷ εἰ οὐκ ἐγεννήθη ὁ ἄνθρωπος ἐκεῖνος.^{Verse 25}Ἀποκριθεὶς δὲ Ἰούδας ὁ παραδιδοὺς αὐτὸν εἶπε, Μήτι ἐγώ εἰμι,⁺ῥαββί; Λέγει αὐτῷ,Σὺ εἶπας.

The Institution of the Lord's Supper

^{Verse 26}Ἐσθιόντων δὲ αὐτῶν, λαβὼν ὁ Ἰησοῦς⁺τὸν ἄρτον, καὶ⁺εὐχαριστήσας ἔκλασε καὶ⁺ἐδίδου τοῖς μαθηταῖς, καὶ εἶπε,Λάβετε, φάγετε· τοῦτό ἐστι τὸ σῶμά μου.^{Verse 27}Καὶ λαβὼν⁺τὸ ποτήριον καὶ εὐχαριστήσας ἔδωκεν αὐτοῖς, λέγων,Πίετε ἐξ αὐτοῦ πάντες·^{Verse 28}τοῦτο γάρ ἐστι τὸ αἷμά μου,⁺τὸ τῆς καινῆς διαθήκης, τὸ περὶ πολλῶν⁺ἐκχυνόμενον εἰς ἄφεσιν ἁμαρτιῶν.^{Verse 29}Λέγω δὲ ὑμῖν⁺ὅτι οὐ μὴ πίω ἀπ᾽ ἄρτι ἐκ τούτου τοῦ⁺γεννήματος τῆς ἀμπέλου, ἕως τῆς ἡμέρας ἐκείνης ὅταν αὐτὸ πίνω μεθ᾽ ὑμῶν καινὸν ἐν τῇ βασιλείᾳ τοῦ πατρός μου.^{Verse 30}Καὶ ὑμνήσαντες ἐξῆλθον εἰς τὸ ὄρος τῶν Ἐλαιῶν.

Jesus Predicts Peter's Denial

^{Verse 31}Τότε λέγει αὐτοῖς ὁ Ἰησοῦς,Πάντες ὑμεῖς σκανδαλισθήσεσθε ἐν ἐμοὶ ἐν τῇ νυκτὶ ταύτῃ· γέγραπται γάρ, Πατάξω τὸν ποιμένα, καὶ⁺διασκορπισθήσεται τὰ πρόβατα τῆς ποίμνης.^{Verse 32}Μετὰ δὲ τὸ ἐγερθῆναί με, προάξω ὑμᾶς εἰς τὴν Γαλιλαίαν.^{Verse 33}Ἀποκριθεὶς δὲ ὁ Πέτρος εἶπεν αὐτῷ, Εἰ⁺πάντες σκανδαλισθήσονται ἐν σοί, ἐγὼ⁺δὲ οὐδέποτε σκανδαλισθήσομαι.^{Verse 34}Ἔφη αὐτῷ ὁ Ἰησοῦς,Ἀμὴν λέγω σοι ὅτι ἐν ταύτῃ τῇ νυκτί, πρὶν ἀλέκτορα φωνῆσαι, τρὶς ἀπαρνήσῃ με.^{Verse 35}Λέγει αὐτῷ ὁ Πέτρος, Κἂν δέῃ με σὺν σοὶ ἀποθανεῖν, οὐ μή σε⁺ἀπαρνήσωμαι. Ὁμοίως⁺δὲ καὶ πάντες οἱ μαθηταὶ⁺εἶπον.

Jesus Prays in the Garden of Gethsemane

^{Verse 36}Τότε ἔρχεται μετ᾽ αὐτῶν ὁ Ἰησοῦς εἰς χωρίον λεγόμενον⁺Γεθσημανῆ, καὶ λέγει τοῖς μαθηταῖς,Καθίσατε αὐτοῦ, ἕως οὗ ἀπελθὼν⁺προσεύξωμαι ἐκεῖ.^{Verse 37}Καὶ παραλαβὼν τὸν Πέτρον καὶ τοὺς δύο υἱοὺς Ζεβεδαίου, ἤρξατο λυπεῖσθαι καὶ ἀδημονεῖν.^{Verse 38}Τότε λέγει αὐτοῖς⁺ὁ Ἰησοῦς,Περίλυπός ἐστιν ἡ ψυχή μου ἕως θανάτου· μείνατε ὧδε καὶ γρηγορεῖτε μετ᾽ ἐμοῦ.^{Verse 39}Καὶ⁺προσελθὼν μικρόν, ἔπεσεν ἐπὶ πρόσωπον αὐτοῦ προσευχόμενος καὶ λέγων,Πάτερ μου, εἰ δυνατόν ἐστι,⁺παρελθέτω ἀπ᾽ ἐμοῦ τὸ ποτήριον τοῦτο· πλὴν οὐχ ὡς ἐγὼ θέλω, ἀλλ᾽ ὡς σύ.^{Verse 40}Καὶ ἔρχεται πρὸς τοὺς μαθητὰς καὶ εὑρίσκει αὐτοὺς καθεύδοντας, καὶ λέγει τῷ Πέτρῳ,Οὕτως οὐκ ἰσχύσατε μίαν ὥραν γρηγορῆσαι μετ᾽ ἐμοῦ;^{Verse 41}Γρηγορεῖτε καὶ προσεύχεσθε, ἵνα μὴ εἰσέλθητε εἰς πειρασμόν. Τὸ μὲν πνεῦμα πρόθυμον, ἡ δὲ σὰρξ ἀσθενής.^{Verse 42}Πάλιν ἐκ δευτέρου ἀπελθὼν προσηύξατο, λέγων,Πάτερ μου, εἰ οὐ δύναται τοῦτο⁺τὸ ποτήριον παρελθεῖν⁺ἀπ᾽ ἐμοῦ, ἐὰν μὴ αὐτὸ πίω, γενηθήτω τὸ θέλημά σου.^{Verse 43}Καὶ ἐλθὼν⁺εὑρίσκει αὐτοὺς πάλιν καθεύδοντας· ἦσαν γὰρ αὐτῶν οἱ ὀφθαλμοὶ βεβαρημένοι.^{Verse 44}Καὶ ἀφεὶς αὐτοὺς⁺ἀπελθὼν πάλιν προσηύξατο ἐκ τρίτου, τὸν αὐτὸν λόγον⁺εἰπών.^{Verse 45}Τότε ἔρχεται πρὸς τοὺς μαθητὰς⁺αὐτοῦ, καὶ λέγει αὐτοῖς,Καθεύδετε⁺τὸ λοιπὸν καὶ ἀναπαύεσθε. Ἰδού, ἤγγικεν ἡ ὥρα, καὶ ὁ υἱὸς τοῦ ἀνθρώπου παραδίδοται εἰς χεῖρας ἁμαρτωλῶν.^{Verse 46}Ἐγείρεσθε, ἄγωμεν. Ἰδού,⁺ἤγγικεν ὁ παραδιδούς με.

Jesus Arrested

^{Verse 47}Καὶ ἔτι αὐτοῦ λαλοῦντος, ἰδού, Ἰούδας, εἷς τῶν δώδεκα, ἦλθε καὶ μετ᾽ αὐτοῦ ὄχλος πολὺς μετὰ μαχαιρῶν καὶ ξύλων, ἀπὸ τῶν ἀρχιερέων καὶ πρεσβυτέρων τοῦ λαοῦ.^{Verse 48}Ὁ δὲ παραδιδοὺς αὐτὸν ἔδωκεν αὐτοῖς σημεῖον, λέγων, Ὃν⁺ἂν φιλήσω, αὐτός ἐστι· κρατήσατε αὐτόν.^{Verse 49}Καὶ εὐθέως προσελθὼν τῷ Ἰησοῦ εἶπε, Χαῖρε,⁺ῥαββί· καὶ κατεφίλησεν αὐτόν.^{Verse 50}Ὁ δὲ Ἰησοῦς εἶπεν αὐτῷ,Ἑταῖρε, ἐφ᾽⁺ᾧ πάρει;Τότε προσελθόντες ἐπέβαλον τὰς χεῖρας ἐπὶ τὸν Ἰησοῦν, καὶ ἐκράτησαν αὐτόν.^{Verse 51}Καὶ ἰδού, εἷς τῶν μετὰ Ἰησοῦ, ἐκτείνας τὴν χεῖρα, ἀπέσπασε τὴν μάχαιραν αὐτοῦ, καὶ πατάξας τὸν δοῦλον τοῦ ἀρχιερέως ἀφεῖλεν αὐτοῦ τὸ ὠτίον.^{Verse 52}Τότε λέγει αὐτῷ ὁ Ἰησοῦς,Ἀπόστρεψόν⁺σου τὴν μάχαιραν εἰς τὸν τόπον αὐτῆς· πάντες γὰρ οἱ λαβόντες μάχαιραν ἐν⁺μαχαίρᾳ⁺ἀποθανοῦνται.^{Verse 53}Ἢ δοκεῖς ὅτι οὐ δύναμαι⁺ἄρτι παρακαλέσαι τὸν πατέρα μου, καὶ παραστήσει μοι⁺πλείους ἢ δώδεκα⁺λεγεῶνας ἀγγέλων;^{Verse 54}Πῶς οὖν πληρωθῶσιν αἱ γραφαί, ὅτι οὕτω δεῖ γενέσθαι;^{Verse 55}Ἐν ἐκείνῃ τῇ ὥρᾳ εἶπεν ὁ Ἰησοῦς τοῖς ὄχλοις,Ὡς ἐπὶ λῃστὴν⁺ἐξήλθετε μετὰ μαχαιρῶν καὶ ξύλων συλλαβεῖν με; Καθ᾽ ἡμέραν⁺πρὸς ὑμᾶς⁺ἐκαθεζόμην διδάσκων ἐν τῷ ἱερῷ, καὶ οὐκ ἐκρατήσατέ με.^{Verse 56}Τοῦτο δὲ ὅλον γέγονεν, ἵνα πληρωθῶσιν αἱ γραφαὶ τῶν προφητῶν.Τότε οἱ μαθηταὶ πάντες ἀφέντες αὐτὸν ἔφυγον.

Jesus Faces the Sanhedrin

^{Verse 57}Οἱ δὲ κρατήσαντες τὸν Ἰησοῦν ἀπήγαγον πρὸς Καϊάφαν τὸν ἀρχιερέα, ὅπου οἱ γραμματεῖς καὶ οἱ πρεσβύτεροι συνήχθησαν.^{Verse 58}Ὁ δὲ Πέτρος ἠκολούθει αὐτῷ ἀπὸ μακρόθεν, ἕως τῆς αὐλῆς τοῦ ἀρχιερέως· καὶ εἰσελθὼν ἔσω ἐκάθητο μετὰ τῶν ὑπηρετῶν, ἰδεῖν τὸ τέλος.^{Verse 59}Οἱ δὲ ἀρχιερεῖς⁺καὶ οἱ πρεσβύτεροι καὶ τὸ συνέδριον ὅλον ἐζήτουν ψευδομαρτυρίαν κατὰ τοῦ Ἰησοῦ, ὅπως⁺θανατώσωσιν αὐτόν,^{Verse 60}καὶ οὐχ εὗρον.⁺Καὶ πολλῶν ψευδομαρτύρων προσελθόντων, οὐχ εὗρον.^{Verse 61}Ὕστερον δὲ προσελθόντες δύο⁺ψευδομάρτυρες⁺εἶπον, Οὗτος ἔφη, Δύναμαι καταλῦσαι τὸν ναὸν τοῦ Θεοῦ, καὶ διὰ τριῶν ἡμερῶν οἰκοδομῆσαι⁺αὐτόν.^{Verse 62}Καὶ ἀναστὰς ὁ ἀρχιερεὺς εἶπεν αὐτῷ, Οὐδὲν ἀποκρίνῃ; Τί οὗτοί σου καταμαρτυροῦσιν;^{Verse 63}Ὁ δὲ Ἰησοῦς ἐσιώπα. Καὶ⁺ἀποκριθεὶς ὁ ἀρχιερεὺς εἶπεν αὐτῷ, Ἐξορκίζω σε κατὰ τοῦ Θεοῦ τοῦ ζῶντος, ἵνα ἡμῖν εἴπῃς εἰ σὺ εἶ ὁ Χριστός, ὁ υἱὸς τοῦ Θεοῦ.^{Verse 64}Λέγει αὐτῷ ὁ Ἰησοῦς,Σὺ εἶπας. Πλὴν λέγω ὑμῖν, ἀπ᾽ ἄρτι ὄψεσθε τὸν υἱὸν τοῦ ἀνθρώπου καθήμενον ἐκ δεξιῶν τῆς δυνάμεως καὶ ἐρχόμενον ἐπὶ τῶν νεφελῶν τοῦ οὐρανοῦ.^{Verse 65}Τότε ὁ ἀρχιερεὺς⁺διέρρηξε τὰ ἱμάτια αὐτοῦ, λέγων⁺ὅτι Ἐβλασφήμησε· τί ἔτι χρείαν ἔχομεν μαρτύρων; Ἴδε, νῦν ἠκούσατε τὴν βλασφημίαν⁺αὐτοῦ.^{Verse 66}Τί ὑμῖν δοκεῖ; Οἱ δὲ ἀποκριθέντες⁺εἶπον, Ἔνοχος θανάτου ἐστί.^{Verse 67}Τότε ἐνέπτυσαν εἰς τὸ πρόσωπον αὐτοῦ καὶ ἐκολάφισαν αὐτόν· οἱ δὲ⁺ἐρράπισαν,^{Verse 68}λέγοντες, Προφήτευσον ἡμῖν, Χριστέ. Τίς ἐστιν ὁ παίσας σε;

Peter Denies Jesus

^{Verse 69}Ὁ δὲ Πέτρος⁺ἔξω ἐκάθητο ἐν τῇ αὐλῇ· καὶ προσῆλθεν αὐτῷ μία παιδίσκη, λέγουσα, Καὶ σὺ ἦσθα μετὰ Ἰησοῦ τοῦ Γαλιλαίου.^{Verse 70}Ὁ δὲ ἠρνήσατο ἔμπροσθεν⁺αὐτῶν πάντων, λέγων, Οὐκ οἶδα τί λέγεις.^{Verse 71}Ἐξελθόντα δὲ⁺αὐτὸν εἰς τὸν πυλῶνα, εἶδεν αὐτὸν ἄλλη, καὶ λέγει⁺αὐτοῖς ἐκεῖ,⁺Καὶ οὗτος ἦν μετὰ Ἰησοῦ τοῦ Ναζωραίου.^{Verse 72}Καὶ πάλιν ἠρνήσατο⁺μεθ᾽ ὅρκου ὅτι Οὐκ οἶδα τὸν ἄνθρωπον.^{Verse 73}Μετὰ μικρὸν δὲ προσελθόντες οἱ ἑστῶτες εἶπον τῷ Πέτρῳ, Ἀληθῶς καὶ σὺ ἐξ αὐτῶν εἶ· καὶ γὰρ ἡ λαλιά σου δῆλόν σε ποιεῖ.^{Verse 74}Τότε ἤρξατο⁺καταθεματίζειν καὶ ὀμνύειν ὅτι Οὐκ οἶδα τὸν ἄνθρωπον. Καὶ⁺εὐθέως ἀλέκτωρ ἐφώνησε.^{Verse 75}Καὶ ἐμνήσθη ὁ Πέτρος τοῦ ῥήματος⁺τοῦ Ἰησοῦ εἰρηκότος⁺αὐτῷ ὅτιΠρὶν ἀλέκτορα φωνῆσαι, τρὶς ἀπαρνήσῃ με.Καὶ ἐξελθὼν ἔξω ἔκλαυσε πικρῶς.